Fréttir eftir árum

Skólasetning hjá 5. – 7. bekk Skólasetning verður þriðjudaginn 25. ágúst 5. bekkur mætir kl. 9 6. bekkur mætir kl. 10 7. bekkur mætir kl. 11 Vegna Covid – 19 getum við því miður ekki boðið foreldrum að vera við skólasetninguna.

Skólasetning hjá 1. – 4. bekk verður mánudaginn 10. ágúst. Engin frístund verður þennan dag, einungis skólasetning: 4. bekkur í Reykjafelli kl. 12:00 3. bekkur í Reykjaborg kl. 13:00 2. bekkur í Hafrafelli (2. hæð) kl. 14:00 1. bekkur í Helgafelli kl. 15:00 11.- 17. ágúst verða smiðjudagar fyrir 1. – 4. bekk frá kl. 9:00 – 14:00. Frístund tekur við eftir það frá 14:00 – 17:00. Skrá þarf nemendur í frístund í gengum íbúagátt Mosfellsbæjar. Skólinn opnar alla daga kl. 8.00 Athugið að 17. ágúst er dagurinn styttri (frá kl. 9:00 – 12:30). Frístund tekur við eftir það fyrir þá sem þar eru skráðir. Skólasetning fyrir 5.-7. bekk verður 25. ágúst, tímasetningar verða auglýstar síðar.

Skólaslit skólaárið 2019 – 2020 í 1. – 4. bekk verða miðvikudaginn 24. júní. Nemendur mæta í skólann kl. 9 og lýkur skóladeginum kl. 11.30. Frístund er opin eftir það fyrir nemendur sem þar eru skráðir. Skólasetning í haust verður 10. ágúst fyrir 1. – 4. bekk og 23. ágúst fyrir 5. – 7. bekk. Starfsfólk Helgafellsskóla þakkar fyrir gott samstarf við nemendur og foreldra í vetur og hlakkar til að hitta alla hressa í haust.

Niðurstöðurnar sem birtast í skýrslunni eru byggðar á könnun sem lögð var fyrir alla nemendur í 8., 9. og 10. bekk í febrúar árið 2020. Framkvæmd og úrvinnsla rannsóknarinnar var á vegum Rannsókna og greiningar við Háskólann í Reykjavík. Spurningalistar voru sendir í alla skóla á landinu þar sem kennarar sáu um að leggja listana fyrir eftir skýrum fyrirmælum. Með hverjum spurningalista fylgdi ómerkt umslag sem þátttakendur settu listann í að lokinni útfyllingu. Ítrekað var fyrir öllum þátttakendum að rita engar persónugreinanlegar upplýsingar á spurningalistana eins og nafn eða kennitölu. Nemendur voru beðnir um að svara öllum spurningum eftir bestu samvisku og biðja um hjálp ef þess þyrfti.

Skólaslit hjá 5. og 6. bekk verða mánudaginn 8. júní. Nemendur mæta í skólann kl. 9 og fara í ratleik um nágrenni skólans. Að honum loknum verða skólaslit um kl. 11.30. Skólaslit verða hjá 1. – 4. bekk miðvikudaginn 24. júní. Athygli er vakin á því að foreldrar verða ekki með á skólaslitum að þessu sinni vegna aðstæðna í þjóðfélaginu.

Sveitarfélögin á höfuðborgarsvæðinu hafa síðan á föstudag unnið að útfærslu á skólastarfi, starfsemi íþróttamiðstöðva, sundlauga og menningarhúsa næstu vikna í samræmi við tilmæli sóttvarnarlæknis og stjórnvalda. Sjá tilkynninguna í heild sinni hér.

Eins og komið hefur fram í fjölmiðlum í dag hefur heilbrigðisráðherra ákveðið að virkja heimildir sóttvarnalaga sem felur m.a. í sér að skólahald verður takmarkað tímabundið. Nánari útfærslur verða unnar samkvæmt tilmælum stjórnvalda. Sveitarfélögin á höfuðborgarsvæðinu vinna nú að skipulagningu skólastarfs m.v. ofangreindar ákvarðanir. Þegar hefur verið ákveðið að mánudaginn 16.mars verði starfsdagur í grunn- og leikskólum á höfuðborgarsvæðinu til þess að stjórnendur og starfsmenn grunn- og leikskóla geti skipulagt skólastarfið sem best á þessu tímabili sem takmörkunin nær til. Foreldrar leik- og grunnskólabarna eru beðnir um fylgjast vel með upplýsingum sem birtast munu um helgina og á mánudaginn m.a. á heimasíðum sveitarfélaganna og heimasíðum grunn- og leikskóla. Þá eru í undirbúningi sameiginlegar leiðbeiningar sveitarfélaga á höfuðborgarsvæðinu um frístundaheimili, íþróttastarf, íþróttamannvirki, skólahljómsveitir, og aðrar tómstundir barna. Virðingarfyllst, Stjórn Samtaka sveitarfélaga á höfuðborgarsvæðinu.

Innritun í grunnskóla Mosfellsbæjar fyrir skólaárið 2020-2021 fer fram í gegnum Íbúagátt Mosfellsbæjar. Innritun 6 ára barna sem hefja grunnskólagöngu haustið 2020 fer fram frá 9. mars til 31. mars. Innritun í frístundasel og mötuneyti 6 ára barna og nýrra nemenda vegna skólaársins 2020-2021 verður auglýst sérstaklega síðar. Nánari upplýsingar og aðstoð varðandi innritun í grunnskóla Mosfellsbæjar veita grunnskólarnir. Innritun skólaskyldra barna og unglinga sem flytjast til Mosfellsbæjar skal vera lokið 1. apríl. Innritun barna og unglinga með lögheimili í Mosfellsbæ, sem óska eftir að sækja grunnskóla í öðrum sveitarfélögum utan lögheimilis, skulu berast í gegnum Íbúagátt Mosfellsbæjar fyrir 1. apríl. Umsóknir fyrir nýtt skólaár endurnýjast ekki sjálfkrafa. Mikilvægt er að umsækjendur kynni sér reglur um skólavist utan lögheimilis á vef Mosfellsbæjar. Þau sem óska eftir aðstoð og leiðbeiningum vegna Íbúagáttarinnar geta snúið sér til Þjónustuvers Mosfellsbæjar. - Fræðsluskrifstofa Mosfellsbæjar

Samningar náðust milli BSRB og Sambands íslenskra sveitarfélaga í nótt. Verkföllum hefur verið aflýst og því kemur ekki til röskunar á skólastarfi.

Til foreldra og forráðamanna barna í Mosfellsbæ Boðuð hafa verið verkföll aðildarfélaga BSRB næstu vikurnar. Um er að ræða tímabundin verkföll ákveðna daga til að byrja með og síðan ótímabundin verkföll frá 15. apríl (sjá yfirlit www.bsrb.is). Starfsmannafélag Mosfellsbæjar er innan BSRB og því eru margir starfsmenn bæjarins á leið í verkfall. Í skólum Mosfellsbæjar er um að ræða starfsmenn í mötuneytum/eldhúsum, skólaliða, stuðningsfulltrúa, starfsmenn og deildarstjóra á leikskólum, starfsfólk í ræstingum, umsjónarmenn fasteigna, kerfisstjóra, starfsfólk á skrifstofu og einnig fara starfsmenn íþróttamiðstöðva og félagsmiðstöðvar í verkfall. Áhrif verkfallsins munu verða víðtæk og hafa áhrif á starfsemi allra leik- og grunnskóla í Mosfellsbæ, frístund og félagsmiðstöðvar sem og starfsemi íþróttamiðstöðva/sundlauga. Samningaviðræður standa yfir og eru foreldrar beðnir að fylgjast vel með fréttum fjölmiðla og heimasíðum skóla. Ef verkföllum er aflýst þá mun allt skóla- og frístundastarf verða með eðlilegum hætti. Leikskólar § Áformuð tímabundin verkföll ákveðna daga frá 9. mars til og með 1. apríl. § Áformað ótímabundið verkfall frá 15. apríl. § Í leikskólum verður umtalsvert skert þjónusta: o Opið verður á þeim deildum þar sem starfsmenn í öðrum stéttarfélögum eru við störf. Börnum verður skipt niður í hópa eftir mönnun á deildum leikskóla og verður rúllandi vistun í gangi. o Mötuneyti loka og því hvorki framreiddur morgunmatur né hádegismatur. o Þrif verða með ólíkum hætti eftir skólum þar sem misjafnt er hvort um er að ræða aðkeypta ræstingaþjónustu eða ekki. Þar sem skerðing verður á þrifum þá verður opnun á húsnæði endurskoðuð á þriðja degi en það er Heilbrigðiseftirlitsins að taka ákvarðanir um lokun húsnæðis. o Leikskólagjöld falla niður þann tíma sem barni er ekki boðin vistun á verkfallsdögum. Hver og einn skólastjóri sendir út skipulag leikskólastarfs á verkfallsdögum. Grunnskólar § Áformuð tímabundin verkföll frá 9. mars til og með 1. apríl. § Áformað ótímabundið verkfall frá 15. apríl. § Í grunnskólum verður umtalsvert skert þjónusta: o Kennt verður fyrstu kennslustundirnar eða fram að fyrstu frímínútum. Í frímínútum verður veruleg skerðing á gæslu sem hefur áhrif á öryggi barna í og því fellur því öll kennsla niður eftir fyrstu samfelldu tímana að morgni til. o Stuðningur við börn með sérþarfir verður ekki til staðar þar sem stuðningsfulltrúar koma að stuðningi. o Þrif verða með ólíkum hætti eftir skólum þar sem misjafnt er hvort um er að ræða aðkeypta ræstingaþjónustu eða ekki. Þar sem skerðing verður á þrifum þá verður opnun á húsnæði endurskoðuð á þriðja degi en það er Heilbrigðiseftirlitsins að taka ákvarðanir um lokun húsnæðis. o Mötuneyti loka og falla gjöld niður þann tíma sem verkfall varir. Hver og einn skólastjóri sendir út skipulag skólastarfs á verkfallsdögum. Frístund § Ótímabundið verkfall frá 9. mars 2020. § Öll starfsemi frístundar í Lágafellsskóla og Helgafellsskóla fellur niður frá og með mánudeginum 9. mars og þar til boðað verkfall leysist. § Frístund við Varmárskóla er opin en með verulegri skerðingu á þjónustu. Mjög takmarkaður fjöldi barna getur verið í frístund hverju sinni frá 13.30-17.00 og mun skipulag verða sent til þeirra foreldra sem eru með börn í frístund. Starfsmenn sem sinna þrifum í húsnæði frístundar eru í verkfalli, opnun á húsnæði er endurskoðuð á þriðja degi en það er Heilbrigðiseftirlitsins að taka ákvarðanir um lokun húsnæðis. § Frístund við Krikaskóla verður opin en með umtalsverðri skerðingu á þjónustu þar sem fáir starfsmenn eru til staðar. Skipulag verður sent til þeirra foreldra sem eru með börn í frístund. § Frístundagjöld falla niður þann tíma sem barni er ekki boðin frístundavistun. Hver og einn skólastjóri sendir út skipulag frístundastarfs á skóladögum Félagsmiðstöðvar § Áformuð tímabundin verkföll frá 9. mars til og með 1. apríl. § Áformað ótímabundið verkfall frá 15. apríl. § Félagsmiðstöðin lokuð á öllum starfsstöðvum, í Varmárskóla, Lágafellsskóla og Helgafellsskóla. Meðfylgjandi er yfirlit yfir skipulag Helgafellsskóla. Upplýsingar eru einnig birtar á heimasíðu skólans og verða uppfærðar reglulega. Ef frekari upplýsinga er óskað er hægt að senda fyrirspurn á póstfangið rosa@helgafellsskoli.is eða hringja í skólann í síma 547-0600. Vert er að taka fram að þjónusta og símsvörun á skrifstofu skólans er mjög takmörkuð ef til verkfalls kemur. Með bestu kveðjum Linda Udengaard framkvæmdastjóri fræðslu- og frístundasviðs Rósa Ingvarsdóttir skólastjóri Helgafellsskóla