Fréttasafn
2024
2023
febrúar, mars, apríl, maí, júní, ágúst, september, nóvember, desember.
2022
janúar, febrúar, mars, maí, júní, ágúst, september, október, nóvember.
2021
febrúar, mars, apríl, maí, júní, ágúst, september, nóvember, desember.
2020
janúar, febrúar, mars, júní, júlí, ágúst, september, október, nóvember, desember.
2019
janúar, febrúar, mars, apríl, maí, júní, ágúst, september, október, desember.
2018
mars, apríl, júlí, ágúst, október.
2017
2016
![](/library/Myndir/Frettir/2019/helgafellsskoli1.jpg?proc=NewsImage)
Opnunarhátið og opið hús í Helgafellsskóla
16/01/19
Nemendur og starfsfólk skólans gengu fylktu liði í skrúðgöngu frá Brúarlandi og tóku með sér í krukkum hið góða og notalega andrúmsloft Brúarlands sem var síðan sleppt út í Helgafellsskóla. Þegar í skólann var komið hófst opnunarathöfnin. Gestir voru nemendur og starfsfólk skólans, fulltrúar í ráðum og nefndum bæjarins og fulltrúar þeirra fyrirtækja sem komið hafa að byggingu skólans.
Við opnunina fluttu Haraldur Sverrisson bæjarstjóri og Kolbrún Þorsteinsdóttir formaður fræðsluráðs ávörp þar sem þau fóru yfir aðdragandann að stofnun skólans og þeirri hugmyndafræði sem skólinn mun byggja á.
Nemandi skólans, Katla Birgisdóttir, spilaði á þverflautu og opnuðu nemendur síðan skólann með formlegum hætti með aðstoð bæjarfulltrúa.
Sunnudaginn 13. janúar s.l. var opið hús í skólanum þar sem öllum bæjarbúum og öðrum þeim sem áhuga höfðu á skólastarfinu var boðið að heimsækja skólann og mættu mjög margir þann dag. Nemendur og starfsfólk skólans voru með dansatriði sem sló í gegn meðal áhorfenda og gaman að sjá hve margir komu og skoðuðu skólann okkar.
Skólastarf hófst mánudaginn 14. janúar og mættu um hundrað spenntir og glaðir nemendur í 1. til 5. bekk í skólann og hefur gengið vel að aðlagast nýjum húsakynnum og kennsluaðferðum. Innan skamms hefst svo leikskólastarf en til að byrja með verður um að ræða eina deild fyrir elstu árganga leikskólabarna.
Að lokinni kennslu á daginn hefst frístundastarf fyrir yngstu nemendur skólans og
innan skamms tíma mun verða boðið upp á félagsmiðstöðvastarf í samvinnu við félagsmiðstöðina Bólið fyrir elstu nemendur skólans, starfið verður í formi klúbbastarfs og skipulagðra viðburða.
Stóru línurnar í skólastefnu Helgafellsskóla verða teymiskennsla og fjölbreyttar kennsluaðferðir þar sem allir nemendur fá nám við hæfi og geta blómstrað í leik og starfi.
Næsta haust verður skólinn gerður að 200 daga skóla fyrir yngri árganga í grunnskólanum þar sem samtvinnast kennsla og frístund. Samþætting verður á námsgreinum og samvinna milli árganga. Áhersla verður lögð á lýðræði og að undirbúa nemendur sem best undir þátttöku í lýðræðisþjóðfélagi sem er í sífelldri þróun.