Við viljum heyra frá þér!

Það skiptir okkur miklu máli að heyra frá þér. Hvort sem það er fyrirspurn, ábending, hrós eða kvörtun þá lítum við á það sem tækifæri til að bæta þjónustu okkar. Allar ábendingar um það sem betur má fara eða um það sem vel er gert eru vel þegnar. Hér má senda athugasemdir og ábendingar varðandi þjónustu Helgafellsskóla. Fyrirspurnum í tölvupósti er svarað eins fljótt og auðið er á virkum dögum en vinsamlega hafðu samband í síma 547 0600 ef erindið er brýnt.

Afgreiðslutími skrifstofu er frá 07:45 - 15:45.

Lumar þú á efni til birtingar?

Viljir þú birta upplýsingar um fréttatilkynningu eða fréttir varðandi viðburði, útgáfu á bókum, geisladiskum og öðru skemmtilegu efni er varðar skólann og þá sem hann snertir í Mosfellsbæ eða fyrir Mosfellinga þá má senda okkur efni til birtingar hér.

SAMMOS

SAMMOS eru samtök foreldrafélaga gunnskóla í Mosfellsbæ. Stjórnir foreldrafélaga allra grunnskóla bæjarins tilnefna þrjá aðila í stjórn SAMMOS, tvo aðalmenn og einn varamann. Hlutverk samtakanna er að stuðla að velferð grunnskólabarna, sameina krafta foreldrafélaga í bænum til góðra verka í skólamálum og eiga traust samstarf við fræðslunefnd og bæjaryfirvöld.

Markmið SAMMOS er að tryggja virka, jákvæða og uppbyggjandi samvinnu við þá hagsmunaaðila er koma að velferð grunnskólabarna í bæjarfélaginu. Samtökin leggja áherslu á mikilvægi þess að skólasamfélagið allt taki höndum saman um að skapa jákvæðan skólabrag og umhverfi þar sem markvisst er stuðlað að þroska barna ásamt andlegri, líkamlegri og félagslegri vellíðan þeirra.

Stjórn SAMMOS tilnefnir bæði áheyrnarfulltrúa, með málfrelsi og tillögurétt, í Fræðslunefnd Mosfellsbæjar og fulltrúa sem starfar með Heimili og skóla, landssamtökum foreldra, fyrir hönd SAMMOS.

Með störfum sínum vill SAMMOS styðja við og stuðla að uppbyggingu framúrskarandi skóla- og lærdómssamfélags fyrir alla í Mosfellsbæ.