logo
  • Samkennd -
  • Samvinna -
  • Heiðarleiki -

Skólareglur

Við sýnum nemendum og starfsfólki kurteisi og góðmennsku

Við förum eftir fyrirmælum starfsmanna skólans.

Við göngum vel um skólann, bæði úti og inni og förum vel með eigur hans og annarra.

Við mætum stundvíslega og vinnum alltaf eins vel og við getum.

Við göngum inni í skólanum og notum innirödd

Allir nemendur fara í frímínútur.

Mikilvægt er að nemendur séu klæddir í samræmi við veður og hafi með sér aukaföt að heiman ef þurfa þykir.

Þurfi nemandi að vera inni í frímínútum skal skila beiðni frá foreldri/forráðamanni þar sem ástæða inniverunnar er tilgreind. Heimilt er að vera inni einn dag eftir veikindi. Þurfi nemandi að vera lengur inni vegna langvarandi veikinda eða meiðsla skal skila læknisvottorði. Nemandi er á sínu heimasvæði í inniverunni og ekki er í boði að hafa með sér félaga.

Skór og yfirhafnir geymast í hólfum nemenda fyrir framan kennslusvæði.

Í Helgafellsskóla eiga nemendur rétt á friðhelgi frá farsímum og öðrum snjalltækjum.

Snjall- og spjalltæki í eigu nemenda  eru ekki heimil á skólatíma sem er kl. 7.45– 17.

Mynd- og hljóðupptökur eru ÁVALLT óheimilar á skólatíma.

Reiðhjól, hlauphjól, hjólabretti, hjólaskór og línuskautar eru óheimil á skólalóð á skólatíma sem er frá kl. 7.45 – 17.

Óheimilt er að yfirgefa skólalóð á skólatíma nema í fylgd starfsmanna eða með þeirra leyfi.

 

Reglur um battavöll

  • Bara sá hópur sem á völlinn má vera á honum.
  • Völlurinn er bara fyrir boltaleiki.
  • Bannað að kjósa í lið.
  • Það má ekki sitja á veggjum vallarins eða standa fyrir utan og trufla leik.
  • Leikurinn er búinn þegar hringt er inn.
  • Allir starfsmenn geta flautað leik af ef þessum reglum er ekki fylgt.
  • Á vellinum á að sýna kurteisi og prúðmennsku.
  • Einstaklingar sem brjóta reglur fara í leikbann í tvö næstu skipti sem þeir eiga völlinn.

Snjóboltareglur koma í haust.

Helgafellsskóli er heilsueflandi skóli og til að börnunum líði vel í skólanum og geti sinnt námi sínu vel er mikilvægt að þau hafi með sér hollt og gott nesti og komi vel sofin í skólann.

Reglur skólans um nesti, bæði að morgni og í frístund, byggja á leiðbeiningum frá landlæknisembættinu um hollt nesti.

Nestið í Helgafellsskóla má innihalda eftirtalda þætti:
. Ávexti og grænmeti
. Gróft brauð eða hrökkbrauð með hollu áleggi
. Vatn (gott ef allir nemendur hafa með sér vatnsbrúsa í skólann)

Dæmi um hollt álegg í ráðleggingum landlæknisembættisins er smjör, smurostur, brauðostur, kjúklingaálegg, grænmeti eins og t.d. paprika, gúrka, tómatur, avocado, salat, egg, banani, epli, kotasæla og hummus.

Ávextir og grænmeti sem auðvelt er að skera niður kvöldið áður til að taka með sér í nesti eru t.d. bananar, jarðaber, bláber, epli, perur, vínber, brokkolí, gúrka og paprika.

Öll brot á skólareglum eru skráð í Mentor og gerð foreldrum sýnileg.

Hegðunarfrávik flokkast í þrjá flokka eftir alvarleika þeirra.

Dæmi um fyrsta stigs hegðunarfrávik: að fara ekki eftir fyrirmælum, truflandi hegðun, slæm umgengni, þras og ögrun.

Dæmi um annars stigs hegðunarfrávik:  særandi/ljótt orðbragð, ósannsögli, hrekkir eða stríðni

Dæmi um þriðja stigs hegðunarfrávik: alvarleg slagsmál eða ofbeldi, ógnandi hegðun, þjófnaður eða skemmdarverk.

Mynd stækkanleg

 


 

 

 

Þessi síða notar vafrakökur Lesa meira